'Maite zaitut' esaldien murrua Parisen
'Maite zaitut' esaldien murrua Parisen | |
---|---|
![]() Horma-irudian 311 aldiz dago izkiriatua 'Maite zaitut' esaldia, 250 hizkuntzatan. | |
Jatorria | |
Sorrera-urtea | 2000 |
Ezaugarriak | |
Genero artistikoa | arte publikoa |
Kokapena | |
Lekua | square Jehan-Rictus (en) ![]() |
Estatu burujabe | ![]() |
Udalerrien arteko lankidetzarako erakunde publikoa | Paris Handiko metropolia |
Territorial collectivity of France with special status | Paris |
Udalerri barrutia | Parisko 18. barrutia |
Koordenatuak | 48°53′05″N 2°20′18″E / 48.884625°N 2.338431°E / 48.884625; 2.338431 |
![]() | |
lesjetaime.com |
"Maite zaitut" esaldien horma (frantsesez Le Mur des je t'aime) gutxi gorabehera 40 metro koadroko horma-lana da, laukizuzen horizontal itxurakoa, Parisko Montmartre auzoan dagoena. Horman 311 aldiz idatzita dago "Maite zaitut" esaldia, 250 hizkuntzatan, laba beiratuzko 612 lauzaren gainean[1] . Munduko hizkuntza ezagunenetan idatziak dira esaldi horiek, baina baita navajoz, inuiteraz, esperantoz edo euskaraz ere[2]. Frédéric Baron, Claire Kito eta Daniel Boulogne artistek egina da horma, Abbesses plazako Jehan-Rictus lorategi txiki eta ederrean. Sartzea librea da[3] .
Lanaren sorrera
Frédéric Baron artista polifazetikoak[4] lehenik bere anaiari eta gero auzokideei eta lagunei eskatu zien "Maite zaitut" esaldia beren hizkuntzetan eta ezagutzen zituzten bertze hizkuntzetan idazteko. Halaxe lortu zituen 250 esaldi baino gehiago. Gero, 1997an, Baronek Claire Kito margolari eta kaligrafoarengana jo zuen, Txinako kaligrafia tailer baten arduraduna [4], eta hormaren proiektuan parte hartzeko eskatu zion. Elkarrekin bilatu zuten horma paratzeko Parisko tokirik egokiena[5] . Azkenik, proiektuan parte hartzen hirugarrena Daniel Boulogne izan zen, margotutako hormetan espezialista, arte eraikitzailea eta Gallimard argitaletxeak argitaratutako gaiari buruzko hainbat libururen egilea [6]. 1998an sartu zen eta arrakastaz bukatu zuen obraren eraikuntza [7]. Horma 2000ko udazkenean inauguratu zuten [8] .
Esanahi sinbolikoa
Hormaren sinbologia artistaren aukera pertsonala da. Harresia zatiketa eta bereizketaren sinboloa da gehienetan eta Frédéric Baronek hemen nahi zuen horma bat giza sentimendu ederrenen euskarri ere izatea. Esaldiak zuriz idatziak dira, lauza urdinen gainean eta freskoa zipriztintzen duten kolore gorriko zatiek, aldiz, hautsitako bihotz baten zatiak adierazten dituzte; horiek guztiak elkartuz gero guztiz konposatutako bihotza osatzen dute [9] .
Euskarazko esaldia
![](http://upload.wikimedia.org/wikipedia/commons/thumb/a/ac/Euskarazko_esaldia_%27Maite_zaitut%27_esaldien_Parisko_horman.jpg/220px-Euskarazko_esaldia_%27Maite_zaitut%27_esaldien_Parisko_horman.jpg)
Montmartreko horma honetan ere bada euskaraz idatzitako "Maite zaitut" esaldia. Behetik hasita bigarren ilaran dago, 21-23 lauzetan.
Erreferentziak
- ↑ Le Mur des je t'aime. ..
- ↑ Quelques exemples des langues utilisées. ..
- ↑ Square Jean-Rictus, sur Paris.fr.
- ↑ a b « Le mur des Je t'aime », un hymne à l'amour, Jean Cormier, 28 juillet 2000, Le Parisien.
- ↑ Le Mur des je t'aime. ..
- ↑ Daniel Boulogne. ..
- ↑ Le Mur des je t'aime. ..
- ↑ Historique. ..
- ↑ Le Mur des je t'aime. ..
Bibliografia
- The book of I love you, Frédéric Baron, 80 orrialde, Médiacom Promotion, 2003ISBN 978-2951943100 . Sarean eskuragarri .
Kanpo estekak
- Webgune ofiziala
- Youtube kanala
Datuak: Q10860702
Multimedia: Le mur des je t'aime / Q10860702