2020ko Udako Olinpiar Jokoetako piktogramak

2020ko Udako Olinpiar Jokoetako piktogramak Tokioko 2020ko Jokoetako kirolak eta lehiaketak sinbolizatzeko sortu ziren piktograma olinpikoak izan ziren, eta 2021ean erabili ziren nagusiki, orduan egin baitziren jokoak.

Masaaki Hiromurak zuzendutako diseinatzaile talde bat arduratu zen piktogramen sorreraz.^[1] Piktograma olinpikoen sorta historian lehen aldiz 1964ko Tokioko Jokoetan erabili zirenez,^[2] haienganako errespetu handia erakutsi zuten sortzaileek kirol ikonografiaren aldetik.

Jokoen irekiera ekitaldian piktograma bakoitza irudikatzen zuen bideo animatuak ikusi ziren, aktoreek gorpuztuak.^[3]

Erreferentziak

↑ (Ingelesez) «Tokyo 2020 Olympic event pictograms winning gold-plated popularity, inspiring parodies» Mainichi Daily News 2021-08-04 (Noiz kontsultatua: 2024-08-23).
↑ (Gaztelaniaz) Vive+, Proyecto. (2021). «La Historia de los pictogramas en los Juegos Olímpicos» Medium - Proyecto Vive+ (Noiz kontsultatua: 2024-08-23).
↑ (Ingelesez) Steen, Emma. (2021-07-24). In photos: 8 best moments from the Tokyo Olympics opening ceremony. Time Out (Noiz kontsultatua: 2024-08-23).