Arrate
Arrate | |
---|---|
![]() | |
Arrateko Amaren santutegia | |
![]() | |
Kokapena | |
Herrialdea | ![]() |
Udalerria | Eibar |
Administrazioa | |
Geografia | |
Koordenatuak | 43°12′18″N 2°26′47″W / 43.2051117°N 2.44628978°W / 43.2051117; -2.44628978 |
Garaiera | 523 metro |
Demografia | |
Biztanleria | 90 (2022) |
Arrate Eibarko (Gipuzkoa) auzunea da. Udalerriaren mendebaldean dago, Bizkaiarekiko mugan. Izen bereko mendi gain batean dago, 556 m-tara.
Toponimoa
Arr(i) + arte -> Arrarte -> Arrate. Beraz Arrateren esanahia hurrengoa da: Harri artean dagoena
Ondarea
Arrateko Andre Mariaren santutegia
Gailurrean gurutze bat dauka eta bertatik gertu Arrateko Andre Mariaren santutegia dago; Ama Birjina hau Eibarko zaindari izendatu zuten 1928an. Santutegiaren inguruan aisialdirako gune zabala dago, jatetxe, taberna eta hotelarekin. Arrate Irratia herri emisorak bertatik emititzen du. Parke guztia pagoz inguratuta dago.
Santutegiaren lehen aipamenak 1498koak dira. Gaur egungo eliza XVII. mendekoa da. Barruan egurrezko bobeda berezia du, burdinsare barroko bat eta Andre Mariaren irudi gotikoa ditu.
Arrateko Andre Mariarenganako debozioa inguru guztian zabaldurik dago, baina Eibarren da indartsuena. Bertako jaia irailaren 8an ospatzen da (Andre Mariaren jaiotza). Egun horretan eta maiatzaren 15ean (San Isidro eguna, baserritarren zaindaria) elizkizunez gain herri-kirol erakustaldiak eta idi-dema saioak egin ohi dira.
Andre Mariari ereserki hau abesten zaio:
![](http://upload.wikimedia.org/wikipedia/commons/thumb/a/a7/Arrateko_ama.jpg/100px-Arrateko_ama.jpg)
Arrateko Ama, gure zaindari onena
gure herri dana hartu eta zaindu, Ama
Zure semeak eskerrak iritsi dagiguz
danok zerura juan gaitezen, Ama, egizu
Baserriak
- Argiñao / Argiano
- Arikitxa Haundi, Arikitxa Behekua / Arexita Handikoa
- Arikitxa Txiki, Arikitxa Goikua / Arexita Hemendikoa
- Arizmendi
- Arrate-Bekoetxe
- Barrenetxe / Barrenetxea
- Barrundi
- Eltzartza / Eltzartzaga
- Erdiko / Kutunegieta Erdikoa
- Gaztelu
- Guenetxe, Guenengua / Kutunegieta Goenengoa
- Iñarra
- Lazareto
- Lezeta
- Lezeta Abeletxe
- Mendigoitxi / Mendigoitia
- Muitza Barri / Mugitza Berri
- Narru / Kutunegieta Barrenengoa
- Paua Abeletxe / Pagoaga Abeletxe
- Saartei / Sagartegieta
- Sanjuan(gua) / Arizmendi San Juangoa
- San Martin
- Sumendixa Behekua / Sumendiaga Behekoa
- Sumendixa Goikua / Sumendiaga Goikoa
- Umaixo / Umaio
- Untzeta
- Zelaikua / Zelaia
Ikus, gainera
- Arrate Irratia
- Arrate Kirol Gaztedia
- San Andres eliza
Kanpo estekak
Wikimedia Commonsen badira fitxategi gehiago, gai hau dutenak: Arrate |
Datuak: Q48759875
Euskarazko Wikipedian bada atari bat, gai hau duena: Euskal Wikiatlasa |
Ego Ibarra - Arrate Auzoa