Buruko beheko muskulu laprana

Buruko beheko muskulu laprana
Irudi gehiago
Xehetasunak
Arteria	Arteria bertebrala
Zaina	Zain bertebrala
Nerbioa	C1 nerbioaren adar dortsala (nerbio subokzipitala)
Identifikadoreak
Latinez	musculus obliquus capitis inferior
TA	A04.2.02.007
FMA	32528
Terminologia anatomikoa

Buruko beheko muskulu laprana, garondoko muskulu lapran laburren artean luzeena da. Garondoko muskulu lapranen artean aurkitzen dira buruko beheko muskulu laprana eta buruko goiko muskulu laprana.

Muskulu honen jatorria axisaren arantza apofisia da eta bere ezarpena atlasaren zehar apofisia.

Nerbio subokzipitala arduratzen da muskulu honen inerbazioaz, hau da, C1 nerbioaren adar dortsala. Nerbio hau guztiz motorra da. Gainera, beheko muskulu lapranaren azpitik C2 nerbio aterako da, nerbio okzipital nagusia, sentikorra dena.

Muskulu honen odoleztapenaz orno arteko zain eta arteriak arduratzen dira.

Funtzioari dagokionez, bi ekintza betetzen ditu. Alde batetik, uzkurketa unilaterala denean buruaren errotazio ipsilaterala emango da, hau da alde bereko errotazioa. Bestalde, uzkurketa bilaterala denean, buruaren hedapena gauzatuko da.

Buruko beheko muskulu laprana, garondoko triangelua osatzen du buruko goiko muskulu laprana eta buruko atzeko muskulu zuzen nagusiarekin batera. Beraz, hauek izango dira aipatutako triangeluaren hiru mugak:

• Goitik eta alde lateraletik: Goiko muskulu laprana
• Barrutik eta alde medialetik: Muskulu zuzen nagusia
• Behetik eta alde lateraletik: Beheko muskulu laprana

Triangelu honen barruan C1 nerbioa, nerbio subokzipitala, eta orno arteria aurkitzen dira.

• 
  Buruko beheko muskulu laprana.
• 
  Buruko beheko muskulu laprana.
• 
  Garondoko triangelua.

• Obliquus Capitis Inferior Muscle GetBodySmart

• Datuak: Q1051430
• Multimedia: Obliquus capitis inferior muscles / Q1051430