Carpocoris mediterraneus

Carpocoris mediterraneus
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Hemiptera
Familia	Pentatomidae
Generoa	Carpocoris
Espeziea	Carpocoris mediterraneus [[|]]

Carpocoris mediterraneus Pentatomidae familiako hemipteroa da, zimitzen taldekoa^[1]. Euskal Herriko toki batzuetan zimitz laranja ere esaten zaio^[2].

Helduak zein beldarrak landarearen izerdiaz elikatzen dira, horregatik izurri kontsideratzen dira nekazal eremuetan^[3].

Bi azpiespezie ditu:

• Carpocoris mediterraneus atlanticus (Tamanini, 1958)
• Carpocoris mediterraneus mediterraneus (Tamanini, 1958)

Zimitzen gorpuzkera tipikoa du, zapaldua eta zurruna. Helduek 7-8,5 mm arteko luzera dute, baina ez da arraroa 1 cm-tik gorako aleak aurkitzea ere. Gozputza laranja du. Eskuletoa berdexka-horixka izan ohi da eta aurrealdean orban ilunak ditu. Abdomenaren ertzak marratuak dira, beltzak eta horiak^[4].

Burua txikia du eta begi irtenak ditu alboetan. Antena luzeak ditu, bost zati dituztenak^[4].

Europa mendebaldean eta Afrika iparraldean aurkitzen da. Bide ertzetako eta baso ertzetako sasitzak eta belardiak atsegin ditu.

Urtean bi belaunaldi izan ohi ditu. Helduak 4-6 hilabetez bizi dira eta 5-7 errunaldi izaten dute, bakoitzean 50-80 arrautza jarriz. 15 egunen buruan beldarrak ateratzen dira eta helduen antz dezente dute, ugaltzeko ahalmenik ez duten arren. Beldarra zuria eta beltza izaten da. 4-5 muda izaten dituzte heldua garatzen den arte^[4].

Helduek haitzen arrakaletan edo zuhaitzen enborretako arrakalatan gordeta hibernatzen dute eta tenperatura igotzen denean aktibatzen dira^[4].

• 
  Heldua.
• 
  Kopula.
• 
  Beldarra.

• Datuak: Q727797
• Multimedia: Carpocoris mediterraneus / Q727797