Dingle penintsula
Dingle penintsula | |
---|---|
![]() | |
Mendirik altuena | Brandon mendia |
Mota | penintsula |
Geografia | |
![]() | |
Koordenatuak | 52°11′36″N 10°05′02″W / 52.193333333333°N 10.083888888889°W / 52.193333333333; -10.083888888889 |
Honen parte da | Kerryko konderria |
Estatu burujabe | ![]() |
Province of Ireland | ![]() |
Irlandaren banaketa administratiboa | ![]() |
Ur-gorputza | Ozeano Atlantikoa |
- Artikulu hau Dingle penintsulari buruzkoa da; beste esanahietarako, ikus «Corca Dhuibhne».
Dingle penintsula (irlanderaz: Corca Dhuibhne, ingelesez batzuetan Corkaguiney baina ohikoena Dingle Peninsula izendapena izan ohi da) Kerryko konderrian kokatzen da eta Irlandako punturik mendebaldekoena da, askorentzat "Zeltiar Finisterre" bat ere bada. Penintsula honetan kokatzen den udalerririk garrantzitsuena Dingle da (irlanderaz An Daingean), 2.000 biztanle ingururekin. Bere kostaldearen mendebaldean Slea Head lurmuturra eta Blasket uharteak daude, gaur egun azken hauetan ez da inor bizi.
Izena
Dingle penintsulak bere izena Dingle udalerri nagusitik hartzen du, eta ingelesaren eraginez Irlanda nahiz mundu mailan izen horrekin da ezagunen. Baina jatorriz, penintsularen irlanderazko izena Corca Dhuibhne da (Corcu Duibne), batzutan Irlandako ingeles hiztunek ere erabiltzen duten izena, orain dela gutxirarte Corkaguiney ingelesezko aldaera ere bai. Corca Dhuibhne izenak "Duibhnen tribua edo leinua" esan nahi du (Duibh gaeldar jainkosa eta klan izena da), izen hori Erdi Aroan Corca Dhuibhnen bizi eta Kerry konderriko beste hainbat hegoaldeko eta ekialdeko lurraldeen jabeak ziren túath (jendea, herria) herri edo jende taldearengandik datorkio.
Kultura eta hizkuntza
Dingle penintsularen zati bat Gaeltacht eremuaren barnean dago, Irlandan irlandera gehien erabiltzen den lekuetako bat da (batez ere penintsula honetako mendebaldeko muturra). Honen erakusle da hizkuntza honetako idazle garrantzitsu ugari eremu honetan jaio izana. Horien artean Pádraig Ó Siochfhradha (1883–1964) eta Mícheál Ó Siochfhradha (1900-1986) aita-semeak, Tomás Ó Criomhthain, Muiris Ó Súilleabháin edota Peig Sayers (1873–1958) besteen artean.
Udalerriak
Dingle penintsulako udalerri eta herriak honako hauek dira:
- An Clochán
- An Daingean/Dingle: hiriburua.
- Annascaul
- Baile an Fheirtéaraigh
- Baile na nGall
- Cé Bhréannain
- Ceann Trá
- Dún Chaoin
- Feothanach
- Lios Póil
Zinema
Dingle Penintsularen azkeneko muturrean kokatzen den Dún Chaoin (ingelesez Dunquin) herrixkan "Ryan's Daughter" filma egin zen eta penintsula honetako ingurune naturaleko paisaia asko erabiltzen ditu.
![Dingle penintsulako ikuspegi panoramikoa](http://upload.wikimedia.org/wikipedia/commons/thumb/2/24/Dingle_peninsula_panorama_crop.jpg/1800px-Dingle_peninsula_panorama_crop.jpg)
Arkeologia
Eremu honetan Historiaurreko eta Behe Erdi Aroko aztarna ugari aurkitu izan ohi dira, adibidez Gallarus Oratory, Burni Aroko Dunberg gotorlekua eta VII. mendeko Riasc monasterioko hondakinak.
Iruditegia
- Dingle penintsula Banna Strandetik ikusita.
- Dingle penintsulako kostaldeko lerroa.
- Minard gaztelua, Lispole, Kerryko konderria
- Dingle penintsulako ikuspegia.
- Dingle penintsulako mapa.
Ikus gainera
- Dingle
- Dingle badia
- Blasket uharteak
- Slea Head
- Corcu Duibne erresuma.
- Iveragh penintsula
- Beara penintsula
Kanpo estekak
- Dingle penintsulari buruzko webgunea (Ingelesez)
- Penintsulari buruzko erresoluzio handiko argazkiak
- Penintsulako tokian-tokiko historia
- Angling (Dingle penintsula), Irlanda
- Dingle penintsulako argazkiak
- Fotos en Flickr[Betiko hautsitako esteka]
- Eskualdeko albisteak
Datuak: Q1127558
Multimedia: Dingle Peninsula / Q1127558