Dublin konderria

Dublin konderria
Irlandako Errepublika
Administrazioa
Estatu burujabe	Irlandako Errepublika
Province of Ireland	Leinster
ISO 3166-2	IE-D
Hiriburua	Dublin
Zatiketa	ikusi Ballymun (en) , Cabra–Finglas (en) , Clontarf (en) , Beaumont–Donaghmede (en) , North Inner City (en) , Ballyfermot–Drimnagh (en) , Crumlin–Kimmage (en) , Rathgar–Rathmines (en) eta Pembroke–South Dock (en)
Geografia
Koordenatuak	53°25′00″N 6°15′00″W / 53.416666666667°N 6.25°W / 53.416666666667; -6.25
Azalera	922 km²
Mugakideak	Meatheko konderria, Kildareko konderria eta Wicklowko konderria
Demografia
Biztanleria	1.270.603 (2011)
Dentsitatea	1.378,09 bizt/km²
Ordu eremua	UTC±00:00
Matrikula	D

Dublin konderria (gaeleraz Contae Bhaile Átha Cliath) Irlandako ekialdean kokatuta zegoen konderri historikoa zen, Leinsterreko probintzian. 1993ko Agiriaren arabera 1994ko urtarrilaren 1etik aurrera konderri hau desagertu eta bere eremuan hainbat konderrietan banatu zen. Gaur egungo lurralde hau herrialdeko hiriburua den Dublin Hiriaz gain Fingaleko konderria, Dun Laoghaire-Rathdowneko konderria eta Hego Dublineko konderriak osatzen dute.

921 km2-ko azalera dauka eta 1.186.821 biztanle zituen 2006an. Dublin/Baile Átha Cliath dauka hiriburu eta hiri nagusia (505.739 biztanle 2006an).

Geografia

Banaketa administratiboa

Dublin konderria zenaren gaur egungo banaketa administratiboa:

• 1. Dublin Hiria
• 2. Dun Laoghaire-Rathdowneko konderria
• 3. Fingaleko konderria
• 4. Hego Dublineko konderria

Hiri nagusiak

Hiri guztiek Dublingo metropoli eremua osatzen dute:

• Dublin/Baile Átha Cliath (505.739 biztanle)
• Tallaght/Tamhlacht (71.467)
• Blanchardstown/Baile Bhlainséir (68.156)
• Clondalkin/Cluain Dolcáin (45.165)
• Lucan/Leamhcán (37.622)
• Swords/Sord Cholmcille (33.998)
• Blackrock/An Charraig Dhubh (28.070)
• Dún Laoghaire (23.857)
• Castleknock/Caisleán Cnucha (21.457)

Natura

Eremu laua bada ere muino ugari ditu inguruan. Hegoaldean Wicklow mendiak ageri dira eta bertan daude muinorik altuenak, Kippure mendia (757m, Liffey ibaiaren iturburua), Seefingan (724m) eta Two Rock (536m) dira.

Ibaiei dagokienez Liffey ibaia da ibai nagusia, Dublin hiria mendebaldetik ekialdera zeharkatu eta bertan itsasoratzen dena. Honetaz gain aipatzekoak dira Broadmeadow, Tolka, eta Shanganagh.

Kirolak

Dublin GAA taldeak joko gaelikotan hartzen du parte. 23 aldiz irabazi du futbol gaelikoaren txapelketa nagusia eta Irlandako konderrien artean garaipen gehien dituen bigarrena da. Hurlingari dagokionez sei garaipen ditu txapelketa nagusian, denak XX mendeko lehenengo erdian lortu bazituen ere.

Futbolari dagokionez Dublingo taldeak dira Irlandako futbol ligan nagusi, besteak beste: Shamrock Rovers F.C., Shelbourne F.C. eta Bohemian F.C..

Azkenik, aipatzekoa Errugbiak ere arrakasta baduela. Heinecken Cup txapelketa handiaren azken lau diziotatik hiru irabazi ditu Leinster Rugby taldeak.

Kanpo estekak

• Dublingo webgune ofiziala

• Datuak: Q173500
• Multimedia: County Dublin / Q173500