Etxebarria parkea
- Artikulu hau Bilboko parkeari buruzkoa da; beste esanahietarako, ikus «Etxebarria (argipena)».
Etxebarria parkea | |
---|---|
![]() | |
43°15′44″N 2°55′10″W / 43.26222°N 2.91944°W / 43.26222; -2.91944 | |
Udalerria | Bilbo, ![]() |
Mugak | Zumalakarregi etorbidea Polvorín bidea Quintana kalea |
Tamaina | 18,91 ha |
Sortze-data | 1980ko hamarkada |
Etxebarria Parkea Bilboko parkea da. Uribarri eta Begoñako auzoen artean kokaturik. Alde Zaharra eta erdigunea baino gorago aurkitzeagatik, hiriaren ikuspegi aparta goza daiteke bertatik.
1980ko hamarkadararte Echevarria industriaren fabrika nagusia bertan kokatzen zen, gaur egungo Sidenor. Gerora, Basauriko fabrika eraikitzerakoan pixkanaka produkzioa eta langileak bertara eraman zituzten. Orduan, udalak orube horrekin zer egin erabakitzen zegoelarik hainbat proiektu aurkeztu ziren. Gehienak etxebizitzak eraikitzearen inguruko proiektuak.
Dena dela, udalak parke handi bat eraikitzearen aldeko apustua egin zuen, hiriaren parkeen gabezia konpontzeko. Horrela, Etxebarria Parkea Bilboko parkerik handiena da gaur egun.
Parkearen erdian Echevarria fabrikako tximinia dago, fabrikako zutik geratzen den elementu bakarra.
Bilboko Aste Nagusian barrakak Etxebarria parkean ipintzen dira. Su artifizialak ere parketik jaurtitzen dira.
![](http://upload.wikimedia.org/wikipedia/commons/thumb/5/53/Bilbao_%2834176482331%29.jpg/400px-Bilbao_%2834176482331%29.jpg)
Kanpo estekak
Datuak: Q5474472
Multimedia: Parque Etxebarria / Q5474472
![]() | Bilboko parkeak | ![]() |
---|---|---|
Albia lorategia • Ametzola parkea • Areatzako parkea • Casilda Iturrizar parkea • Erruki Etxeko parkea • Eskurtze parkea |