Fruitu-mazedonia

Fruitu-mazedonia
Entsalada

Osagaiak	fruitua

Artikulu hau errezetari buruzkoa da; beste esanahietarako, ikus «Mazedonia (argipena)».

Fruta-mazedonia^[1] zati txikietan moztutako fruten nahasketa bat da, azukrearekin, almibarrekin, likorearekin edo fruta-zukuarekin apaindua. XVIII. mendean sortua, herrialde mediterraneo askotan tipikoa da eta azkenburuko moduan hartzen dute.

Fruta mazedonia errezeta

6 pertsonentzako

Osagaiak

Sagarra: 1 zuritu, bihotza kendu eta dadotan.
Udarea: 1 zuritu, bihotza kendu eta dadotan.
Platanoa: 1 zuritu eta dadotan.
Anana: 150 g., zuritu eta bihotza kendu eta dadotan.
Meloia: 150 g., zuritu eta dadotan.
Marrubia: 150.g, garbitu eta txortena kendua.
Mugurdia: 150 g., garbitu eta txortena kendua.
Mahatsa: 150 g., erdibitua eta hazia kenduta.
Kiwia: 150 g., zuritu eta dadotan.
Laranja zukua: 2 iragazia.
Limoi zukua: 1 iragazia.

Prestaketa

Garbitu eta prestatu fruta bakoitza dagokion moduan.
Jarri denak batera pertz batean, busti limoi eta laranja zukuarekin.
Sartu hozkailura freskatu bitarte eta jateko prest izango da.

Aholkuak

Urteko garaiaren arabera, mazedonia osatzen duten frutak alda daitezke.
Nahi izatera, limoi eta laranja azal birrindu pittin bat gehitu liteke, bata pattarren bat ere.
Badago azukrea gehitzen duenik ere.