Maurice Bourdin (Euburia, Limousin - La Trinità della Cava, Cava de' Tirreni, 1137) ozkitaniar elizgizona izan zen. Gregorio VIII.a erlijio izenaz antipapa izan zen 1118 eta 1121 bitartean. Mauritius edo Burdinus izenaz ere ezaguna. Bragako artzapezpiku ohia, enperadorearen aldeko antipapa, Gelasio II.aren kontra (1118). Wormseko konkordatuaren ondoren (1122) kartzelan sartu zuten.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2017/11/10 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.