Ohar medikoaOharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Hemotoraxa barrunbe pleuralean odolaren presentzia da. Normalean lesio torazikoek sortua izaten da, baina zenbait kasutan birikako minbiziak edo bihotzeko edo toraxeko kirurgiak ere eragin dezakete.
Lesio traumatiko baten ondorioz, saihets batek birikako ehuna edo arteria zauri ditzake odola gune pleuralera sartzea eraginez. Zauria puntadun zerbaitekin edo bala bidez egina bada, birika arriskuan jar dezake. Hemotoraxa pneumotorax (gune pleuralean airearen sarrera) batekin erlazionatuta egon daiteke eta odol kantitatearen arabera, konplikatu egin daiteke shock egoerara helduz.
Medikuak azterketa fisiko batean arnasa hartzean soinuen murrizketa bat detektatu dezake edo bestela, toraxaren erradiografia bat egin dezake.
Tratamendua
Gaixoa egonkortu, odoljarioa gelditu eta gune pleuralean dagoen odola kanporatu behar da. Aitzitik, bertatik atera den odola gaixoari transfusioa egiteko erabili behar da.
Gainera, hematoraxaren eragilea tratatu behar da. Lesio traumatikoaren kasuan, hodi drainatzaile bat kokatzearekin nahikoa izango da, kirurgia beharrik gabe.