disorder of consciousness (en), zantzu klinikoa, state of consciousness (en), alteration of consciousness (en) unconsciousness (en)
Espezialitatea
neurologia medikuntza intentsiboa
Identifikatzaileak
GNS-9-MK
780.01
GNS-10
R40.2
GNS-9
780.01
DiseasesDB
16940
MeSH
D003128
Ohar medikoaOharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Koma (grezieratik κῶμα edo κωμα, koma, "lo sakona") osasun egoera larria da, gorputzaren funtzio gehienak, kontzientzia barne, arnasketa eta zirkulazioa izan ezik —bizitzeko ezinbestekoak—, galtzen direnean sortua. Hainbat egoerak sor dezakete: intoxikazioak (alkohola, drogak edo toxikoak) edo anomalia metabolikoak (hipogluzemia, hipergluzemia, zetosia), nerbio-sistema zentraleko gaixotasunak, istripu zerebrobaskularrak, garuneko traumatismoak, konbultsioak, espasmoak, hipoxiak... Kausa metabolikoak ohikoenak izaten dira.
Koma egoeran arnas eta zirkulazio funtzioak bete ohi dira baina konortea eta mugimendu, sentikortasun eta adimen funtzioak erabat apaltzen dira. Mota askotako koma egoerak bereizten dira: egoera arinenetan, eriak esnatua dagoela dirudi, ametsetan bezala hitz egiten baitu eta mugitu egiten baita; larrienean, berriz, elektroentzefalograma laua izaten da eta bihotzean eta arnasketan gorabeherak gertatzen dira. Koma egoerak ez du iraupen jakinik: badira ordu edo egun batzuk igarota koma egoeratik esnatzen diren gaixoak, baina badira garuneko zeluletan gertatuko kalteen ondorioz sekula esnatzen ez direnak. Koma egoera hainbat arrazoirengatik sor daiteke, hala nola eritasuna, infekzioak eta tumoreak. Hori guztia kontuan hartuta, sindrome bat dela esan daiteke, burmuineko gorabeherak sortzen dituena. Horregatik, askotan heriotza eragiten du.
Erreferentziak
Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.