Krk
Krk | |
---|---|
![]() | |
Datu orokorrak | |
Mendirik altuena | Obzova (en) ![]() |
Garaiera | 568 m |
Mota | uharte |
Azalera | 405,78 km² |
Geografia | |
![]() | |
Koordenatuak | 45°04′44″N 14°36′03″E / 45.0789°N 14.6008°E / 45.0789; 14.6008 |
UTC ordua | UTC+01:00 |
Honen parte da | Kvarneko golkoa Dalmatian Archipelago (en) ![]() |
Estatu burujabe | ![]() |
Kroaziaren banaketa administratiboa | Primorje-Gorski Kotar eskualdea |
Ur-gorputza | Adriatikoa |
Krk (kr̩̂k ahoskatua; alemanez: Vegl; latinez: Curicta; italieraz: Veglia; dalmazieraz: Vikla; antzinako grezieraz: Κύρικον, Kyrikon) Kroaziako bigarren uharte handiena da, ia Cres uhartearen parekoa. Hiriburua Krk da, 5.491 biztanle dituena. Dalmaziako vegliot dialektoa hitz egiten zen Krk uhartean, hortik bere alemanezko eta italierazko izenak. Gaur egun iraungita dagoen hizkuntza da.
Kokapena
Kvarneko golkoan kokaturik dago, Primorje-Gorski Kotar eskualdean eta Cres uhartearen ia tamaina antzekoa badu ere askoz jende gehiago bizi da. Uharteak triangelu itxura du.
Historia
K. a. X mendetik populatua izan da uhartea. Erromatarrek Curicta izena jarri zioten. Bertan Julio Zesar eta Ponpeiok borroka latza izan zuten Erromako Gerra Zibilean.
1118an veneziarrek uhartea konkistatu eta bertako Dujam kondea jarri zuten agintean. Dujamen semeak aldiz Kroazia-Hungariako erregea zerbitzatzea erabaki zuen eta Dujam familiako ondorengoek gainerako kroaziar nobleen gainetik zegoen boterea eskuratuz joan ziren. Split, Trogir eta Senjen familiakoak jarri zituzten agintari eta 1392an Kroazia-Dalmaziako Ban izatea lortu zuten. 1430an Frankopan izena hartu zuten eta beren historian Kroaziako zazpi Ban izan zituzten, herrialdearen politikan berebiziko garrantzia izanik.
1480tik 1797ra veneziarren esku egon zen berriz Krk eta ondoren Austriar Inperioaren eskutan. Mundu Gerratan Italia jabetu zen uharteaz baina azkenean Jugoslaviaren barnean gelditu zen. Azken urteetan turismoak garrantzi handia hartu du, are eta gehiago 1980an 1430 metro luze den zubiak kontinentearekin lotzen duenetik.
Herriak
Krk da uharteko hiriburua. 5.491 biztanle ditu eta uhartearen hego mendebaldean kokaturik dago. Frankopan familiaren gaztelua eta Kamplin parkea eta enparantza ditu. kai ederra ere badu.
Uharteko bigarren herria Omišalj da eta iparraldeko puntan kokaturik dago. Itsasotiko 82 metrotako altueran dagoen hiri harresiduna da. Ondoan duen Sepen badian V mendeko herrixka baten aztarnak daude.
Malinska, Krkren ondoren herri turistikoena da. Hegoaldeko muturrean Baška herri polita dago.
Kanpo estekak
- (Italieraz) Webgune ofiziala
Datuak: Q6059
Multimedia: Island of Krk / Q6059