Lonja
![](http://upload.wikimedia.org/wikipedia/commons/thumb/6/6b/Lonja_zaharra.jpg/200px-Lonja_zaharra.jpg)
Lonja (baita loia euskaraz) deritzona merkatarien biltokia da, Iberiar penintsulako tradizio batzuetan balore-burtsen eran funtzionatu dutenak. Handizkako merkataritzarako erabili ohi ziren eraikinak ziren, non eta merkatua txikizkako salmentari lotu ohi zaion, nahiz eta hiri oso baten elikagaien banaketa burutu ohi den merkatu zentralak ere badauden, lonjen parekideak izanik.
20. mendean zehar, arrain-lonja zentzuan zabaldu zen Euskal Herrian lonja kontzeptua.
Lonja tradizionalak
Lonja tradizionalen artean, Aragoiko Erresuma zeneko herrialdeetan eraikin bikainak egin ziren, hala nola Zetaren Lonja Valentzian, edo Alcañizkoa eta Zaragozakoa Aragoin.[1] [2] Erresumaren indar komertzialaren lekuko izan ziren lonja horiek. Burtsa gisa funtzionatzen zuten, ardoa, olioa eta garia bezalako produktuen salerosketa erraztuz. Denborarekin, lonjak merkatarien behar aldakorretara egokitu ziren, eta finantza zerbitzuak eskaini zituzten, hala nola kreditu komertzialak eta aseguruen kontratazioa.
Mendeak dituzten lonjarik ere bada Euskal Herrian, Mutrikuko Loja Zaharra kasu.[3] Euskal Herrian lonja-etxe edo errenteria deitutakoak aipagarriak dira, burdinaren merkataritzari emandako instituzio eta eraikinak izan dira. Beduako lonja-etxea, Altzolakoa, Montoiakoa Beran,[4] Bilboko Errenteria eta beste batzuk inportanteak izan ziren.[5]
Erreferentziak
- ↑ (Gaztelaniaz) Viñau, Nacho. (2023-02-26). «La Lonja, el palacio renacentista de Zaragoza construido para alojar las transacciones comerciales / HOY ARAGÓN» HOY ARAGÓN (Noiz kontsultatua: 2024-06-03).
- ↑ «The Commercial Influence of the Crown of Aragon in the Eastern Mediterranean (Thirteenth–Fifteenth Centuries)» The Crown of Aragon: 279. 2017.
- ↑ (Gaztelaniaz) «Lonja de Mutriku - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2024-06-03).
- ↑ Gran Enciclopedia de Navarra | MONTOYA. (Noiz kontsultatua: 2024-06-03).
- ↑ «Bertan 16 - La Industria del Hierro. Capítulo 4: Las renterías de hierro» bertan.gipuzkoakultura.net (Noiz kontsultatua: 2024-06-03).
Ikus, gainera
- Arrain-lonja
- Errenteria (merkataritza)
- Gazte-lokalak (txoko hauei ere esaten zaie lonja).
Kanpo estekak
Datuak: Q3257518
Multimedia: Historical stock exchanges in Spain / Q3257518