Markia
Markia | |
---|---|
![]() | |
![]() Markiako eliza | |
![]() | |
Kokapena | |
Herrialdea | ![]() |
Udalerria | Zuia |
Administrazioa | |
Geografia | |
Koordenatuak | 42°58′34″N 2°49′05″W / 42.9761°N 2.8181°W / 42.9761; -2.8181 |
- Artikulu hau Arabako herriari buruzkoa da; Bizkaiko herria gaitzat duena beste hau da: «Markina-Xemein»
Markia[1] (euskarazko izen ofiziala: Markina; gaztelaniaz: Marquina) Arabako iparraldean kokatuta dagoen herria da, Zuiako Kuadrillan. Gainera, Zuiako udalerria eratzen duten herrietariko bat da.
Iparraldean, Gorbeiako natura parkea, hegoaldean Sarria, mendebaldean Altube eta hego-ekialdean Aretxaga eta Zarate herriak ditu mugakide.
2007ko urtarrilaren 1eko erroldaren arabera, auzoak 68 biztanle zituen.
Ingurune naturala
Berretin mendiaren (1.226 m) magalean dago herria, eta hortik goitik datozkio Ugalde ibaiaren urak. Aspaldian, errota bat eraiki zuten baliabide natural hori aprobetxatzeko, gaur egun zaharberrituta dagoena. Uraska eta iturria ere errekarekin lotuta daude, baita goiko eta beheko auzoak lotzen zituen harrizko zubia ere.
Demografia eta biztanleria
2000 | 2001 | 2002 | 2003 | 2004 | 2005 | 2006 | 2007 |
---|---|---|---|---|---|---|---|
44 | 50 | 50 | 56 | 61 | 69 | 73 | 68 |
Garraioa
Eskualdeko Garraioa sareak linea bat ditu herrian:
|
San Joan
San Joan Bataiatzaile herriko zaindaria da, eta haren omenez eliza eraiki zuten, herriko goiko aldean. S. Joan egunaren bezperan, ekainaren 24an, jaia ospatzen dute.
Markiar ospetsuak
- Jose Abezia («Markiako ikaslea»), gerrillaria, Espainiako Independentzia Gerran nabarmendu zen. Markian jaio zen 1785eko apirilaren 17an, Zuzenbidea ikasi zuen Zaragozan, eta han harrapatu zuen Napoleonen aurkako gerrak. Hiri hartako setioetan borrokatu zen. Amore eman ondoren, ihes egin ahal izan zuen, eta jaioterrira itzuli, indarberritzeko. Gero, gerrillari talde baten buru, Aragoin eta Euskal Herrian hainbat garaipen lortu zituen. Azkenean armadan sartu zen, komandante mailarekin, eta jeneral izatera iritsi zen. Heriotza data ez da ezaguna.
Erreferentziak
- ↑ Euskaltzaindiaren Onomastika Datutegia
Ikus, gainera
Kanpo estekak
- Markia udal webgunean
Datuak: Q2744592
Multimedia: Markina, Zuia / Q2744592
Zuiako herriak | ||
---|---|---|
Altube • Ametzaga • Aperregi • Bitoriano • Domaikia • Gillerna • Jugo • Lukiano • Markia • Murgia • Sarria • Zarate • Ziorraga |
Euskarazko Wikipedian bada atari bat, gai hau duena: Euskal Wikiatlasa |