Marokoko Ekintza Batzordea

Marokoko Ekintza Batzordea
Datuak
Mota	alderdi politikoa
Herrialdea	Maroko
Ideologia	Antikolonialismoa
Historia
Sorrera	1934
Sortzailea	Allal al-Fassi (en) Mohamed Hassan Ouazzani (en) Ahmed Balafrej (en)
Desagerpena	1937

Marokoko Ekintza Batzordea (frantsesez: Comité d’Action Marocaine, CAM; arabieraz: كتلة العمل الوطني‎)^[1] izan zen Marokoko lehen alderdi politiko abertzalea. 1934an sortu zen. Allal al-Fasi, Mohamed Hassan El Ouazzani eta Ahmed Balafrej izan ziren alderdiaren sortzaileak. Hasierako helburuak ziren erreforma batzuk egitea protektoratuei (espainiarrari eta frantsesari)^[2][3].

Taldea aski laster zatitu zen bitan. El Ouazzanik Hraka Al Kaoumia (“mugimendu abertzalea”) sortu zuen. Alderdi hori zen Independentziaren alderdi demokratikoaren arbasoa. El Fassi-k, aldiz, Istiqlal alderdia izango zenaren arbasoa sortu zuen 1936an: Al-Hizb al-Watani (“Alerdi nazionala”)^[4].

CAMek eragin handia izan zuen 1934an eta 1935ean. Mobilizazio jendetsuak antolatu zituen, eta horiei erantzunez, Frantziak alderdiko hainbat lider atxilotu zituen, besteak beste Al-Fasi eta Al Ouazzani. Alderdiak are indar handiagoa hartu zuen orduan, eta 1937an 6.500 bazkide zeuzkan^[1].

Frantziak alderdia desegin zuen 1937ko martxoaren 18an. Alderdiko liderrek beste alderdi bat sortzerakoan gertatu zen haien arteko zatiketa^[1].

• Abou Kabr El Kadiri fundazioa
• Mohamed Hassan Ouazzani fundazioa^{[Betiko hautsitako esteka]}

• Datuak: Q20408280