Nick Goepper
Nick Goepper | |
---|---|
![]() | |
Bizitza | |
Jaiotza | Lawrenceburg (Indiana), 1994ko martxoaren 14a (30 urte) |
Herrialdea | ![]() |
Hezkuntza | |
Heziketa | East Central High School (en) ![]() |
Jarduerak | |
Jarduerak | eskiatzaile akrobatikoa |
Parte-hartzailea
| |
Pisua | 73 kilogramo |
Altuera | 183 zentimetro |
![]() ![]() ![]() ![]() ![]() |
Nicholas Charles Goepper (Fort Waine, Indiana, AEB, 1994ko martxoaren 14a) estilo libreko eskiatzaile estatubatuarra da. Amerikako Estatu Batuak ordezkatuz, Goepperrek brontzezko domina irabazi zuen 2014ko Neguko Olinpiar Jokoetan, Sotxin (Errusia), eta zilarrezko dominak irabazi zituen 2018ko Pyeongchang-eko (Hego Korea) eta 2022ko Pekineko (Txina) Neguko Olinpiar Jokoetan[1]. Neguko X Jokoetan ere, hiru urrezko domina eta zilarrezko bi ditu irabaziak[2]. Bere babesleak PowerBar[3] Red Bull[4] Kulkea eta Völkl dira[5].
Hastapenak
Nick Goepper Fort Wayne-n (Indiana) jaio zen, baina Lawrenceburg-en (Indiana) hazi zen. Lawrenceburgen, 100 akre-lurrekin batera 800 oineko altuera duen Perfect North Slopes-en eskiatu zuen[6]. Bi arreba txiki, anaia txiki bat eta katu bat ditu. Bost urterekin hasi zen eskiatzen; hamaika urterekin, berriz, lehiatzen, eta, hamahirurekin, lehen atzeranzko itzulipurdi bikoitza lortu zuen[2].
![](http://upload.wikimedia.org/wikipedia/commons/thumb/d/d0/Perfect_North_Slopes.jpg/192px-Perfect_North_Slopes.jpg)
Hasierako ibilbidea
2009an, Goepper Sandy-ra (Oregon) joan zen bizitzera, non eskolara joan eta Wy'East Mountain Academyn (lehen Windells Academy)[7] eskiatzaile profesionalekin entrenatu baitzuen ibilaldi osoko beka batekin eta Mike Hanley entrenatzailearen eskutik[8]. Westminster Unibertsitatera ere joan zen[9]. Goepperek urrezko domina irabazi zuen 2013-2014ko FIS Estilo-askeko Skiing Munduko Kopan, Cardronan (Zeelanda Berria), eta 2014ko Olinpiar Jokoetarako sailkatu zen 2013ko Dew Tourren Breckenridge-n (Colorado). Eskua hautsita eta eski-makilarik gabe eskiatu behar izan arren, lehen sailkatu zen[10].
Sariak
2014ko Neguko Olinpiar Jokoetan, Nick Goepper, Gus Kenworthy eta Joss Christensen-ek dominaren podium osoa bete zuten brontzea, zilarra eta urrea, hurrenez hurren, irabaziz gizonezkoen estilo-askeko jaitsiera proban[11]. Hirukote amerikarra New Yorkeko David Letterman-en Late Show-ean agertu zen, eta Kellogg's Corn Flakes zereal-kutxa batean ere agertu ziren, baita Jif kakahuete-gurin pote batean ere. Itzuli zenean, Goepperren jaioterriak kalejira bat egin zion, eta Perfect North Slopes-ek bizitza osorako pasea eman zion. Mike Pence Indianako gobernadore ohia ere ezagutu zuen, eta denboraldiko hasierako jaurtiketa bota zuen Cincinnati Reds beisbol taldearentzat[12].
Pyeongchang-eko Olinpiar Jokoen ostean, Goepperri Wabash Sagamore saria eman zioten, Indianako bizilagun batek jaso dezakeen saririk ospetsuena. Geroago, Donald Trump presidentea ezagutu zuen Etxe Zurian, non Mark Goepper izen okerrarekin izendatu zuten[13].
Filantropia
2014ko abenduan, Goepper Wy'East Mountain Academy-rekin (lehen Windells Academyn) elkartu zen Perfect North Slopes-en bide-buxatu (rail jam) lehiaketa bat antolatzeko, eta 150 parte hartzaile baino gehiago erakarri zituen, irabazi guztiak "The Cure Starts Now Foundation"-ri emanez[14]. Goepper, hasierako irabazi-asmorik gabeko administrazio-kontseiluan ere, fideikomisodun bezala badabil Wy'East-en[15]. 2017ko ekainean, bat egin zuen kirolari olinpiko talde batekin Kigali-ra (Ruanda) "Kids Play International"-ek antolatutako asteko misio-bidaian[16].
Agerraldi publikoak
2014an, Goepper eta bere ama P&Gren "Thank You, Mom" kanpainak babestutako How to Raise an Olympian NBC Sports telesailean agertu ziren. Bere ama Lindak Goepperrek egun osoa eskiatzen igarotzen zuela Perfect North Slopes-eko lur parkean gogoratu zuen, eta, familiako patioan, arrapalak/jauziak eraikitzen zituela urte osoan erabili ahal izateko. Goepperrek profesionalen estilo askeko eskiaren bideo-orduak ikusteaz hitz egin zuen. Bere arrebek, garai hartan gimnastak biek, itzulipurdiak egiten irakasten zizkioten, eta, lehiaketen aurretik, entrenatzen laguntzen zioten. Goepperrek aipatu zuen ere bere aitak, Chris-ek, Atzeraldi Handian lana galdu zuenean eskola-autobusean gozokiak saldu, auzokideen belarrak moztu eta haurrak zaintzen zituela eskiarekin lotutako gastuak ordaintzeko[17].
Bere lehen Olinpiar Jokoetara joan baino lehen, Goepper Urrezko Globoen 71. Sarietara joan zen, non Usher, Leonardo DiCaprio eta Reese Witherspoon aktoreak, Mike Tyson boxeolari profesional ohia eta Taylor Swift abeslaria bezalako ospetsuak ezagutu baitzituen; gero, Taylor Swift abeslariari bere Valentine izatea eskatu zion, baina ezezkoa jaso zuen[18].
Bere bigarren Olinpiar Jokoetan lehiatu aurretik, People aldizkariak Goepper elkarrizketatu zuen. Sotxiko Olinpiar Jokoak amaitu eta gutxira, alabaina, auto batzuei harriak jaurti zien, eta izu-eraso bat izan zuela esan zuen. Hala ere, berehala aitortu zion poliziari, eta 8.000 dolar inguru ordaindu zituen kalte-ordainengatik. Goepperrek pentsamendu suizidekin izandako borrokari buruz ere hitz egin izan du, eta zer esan zuen: «Iritsi zen une bat, zeinetan egunero edaten eta etengabe pentsatzen bainuen nire bizitzarekin amaitzeko moduei buruz». Houstoneko (Texas) errehabilitazio zentro batean sartu zuten bi hilabetez, eta, harrezkero sendatuta dago[19]. Goepperrek, bere esperientzia partekatuz motibatu beharrean, bere jarraitzaleekin antzirudia erakutsi nahi izan zuen, antza[20]. 2018ko Neguko Olinpiar Jokoetan lehiatu ostean, Goepperrek astebeteko bidaia egin zuen New York hirira elkarrizketa eta komunikabideetako agerraldi batzuetarako[21].
Bizitza pertsonala
2018ko maiatzaren 4an, Goepperrek, Marco Island-eko (Florida) neska-lagunari, ezkontzea proposatu zion, eta Instagramen beren arteko konpromisoa hitz hauekin iragarri zuen: «Betiko nirekin geldituko da! Lizzy Braun ez da denbora askorako izango». Hala ere, gizarte-sareeetan agertzen danari jarraituz gero, badirudi dibortziatuta daudela eta ez direla egoera berean bizi. Instagramen ere, ez diote elkarri jarraitzen[22]. Eskiatzeaz gain, surfa eta skateboarda egitea gustatzen zaio, eta horiek entrenamendu gurutzatua egiteko lagungarri direla dio[23].
2014ko abenduan, Nick Goepperrek Dearborn County Sheriff-eko departamentuari aitortu zion «bera zela bidaiatzen ari ziren autoei harriak botatzen, ondasun pertsonalak kaltetzen eta gidariaren segurtasuna mehatxatzen zuen ezezaguna»[24]. Goepper, kartzela zigorra sahiesteko, 8.000 dolarreko isuna ordaintzera behartu zuten, arduragabekeria arriskuarengatik.
Nick Goepperren familia Sotxiko (Errusia) Olinpiar Jokoetara joan zen hura animatzera. Linda Goepper Nicken amak esan zuen ez zuela inoiz zalantzan jarri bere semea maila goreneko atletekin lehiatzeko gai izango zenik[25].
Nazioarteko domina taula
Neguko Olinpiar Jokoak | |||
---|---|---|---|
Urtea | Lekua | Domina | Proba |
2014 | Sochi (![]() | 03 !![]() | Estilo-askeko jaitsiera |
2018 | Pyeongchang (![]() | 02 !![]() | Estilo-askeko jaitsiera |
2022 | Pekin (![]() | 03 !![]() | Estilo-askeko jaitsiera |
Munduko Txapelketa | |||
Urtea | Lekua | Domina | Proba |
2013 | Oslo/Voss (![]() | 03 !![]() | Estilo-askeko jaitsiera |
2019 | Park City (![]() | 03 !![]() | Estilo-askeko jaitsiera |
Neguko X Jokoak | |||
---|---|---|---|
Urtea | Lekua | Domina | Proba |
2012 | Aspen (![]() | 02 !![]() | Estilo-askeko jaitsiera |
2013 | Aspen (![]() | 01 !![]() | Estilo-askeko jaitsiera |
2014 | Aspen (![]() | 01 !![]() | Estilo-askeko jaitsiera |
2015 | Aspen (![]() | 01 !![]() | Estilo-askeko jaitsiera |
2017 | Oslo (![]() | 02 !![]() | Estilo-askeko jaitsiera |
2021 | Aspen (![]() | 01 !![]() | Estilo-askeko jaitsiera |
Erreferentziak
- ↑ Smith, Shawn. (February 18, 2018). «USA's Nick Goepper wins silver medal in freeski slopestyle» NBC Olympics.
- ↑ a b «Nick Goepper's official X Games athlete biography» ESPN January 24, 2018.
- ↑ «Nick Goepper – PowerBar» PowerBar, Inc.
- ↑ «Nick Goepper: Freeskiing – Red Bull Athlete Page» Red Bull.
- ↑ «Nick Goepper Freestyle» Völkl.[Betiko hautsitako esteka]
- ↑ «Acknowledgement to Reviewers of Games in 2018» Games 10 (1): 3. 2019-01-08 doi:10.3390/g10010003. ISSN 2073-4336..
- ↑ «Windells Academy formally changes name to Wy'East Mountain Academy» Wy'East Mountain Academy.
- ↑ Wallerson, Ryan. (March 16, 2016). «Training with Nick Goepper: Inside his neuromuscular training» Sports Illustrated.
- ↑ «Nick Goepper» Team USA United States Olympic Committee.
- ↑ «Best of U.S. Ski Slopestyle Team Member Nick Goepper» Dew Tour February 9, 2018.[Betiko hautsitako esteka]
- ↑ «Freestyle Skiing – Slopestyle Men – Medalists» Olympic.org February 13, 2014.
- ↑ «Athletic Spotlight: Nick Goepper» U.S. Ski and Snowboard Association August 1, 2014.
- ↑ «Remarks by President Trump Welcoming the U.S. Olympic Team» whitehouse.gov April 27, 2018.
- ↑ Arens, Jason. (January 29, 2015). «Rail Jams for Good Causes» Windells Academy.
- ↑ «Board of Trustees» Wy'East Mountain Academy (Wy'East Mountain Academy).
- ↑ «U.S. Olympians and NFL Players travel to Rwanda to Celebrate Olympic Day» Kids Play International.
- ↑ «Lawrenceburg raised Goepper to Olympic glory» Cincinnati.com February 4, 2014.
- ↑ Noble, Greg. (February 13, 2018). «Nick Goepper: How did Greater Cincinnati skier get to Olympics» WCPO Cincinnati.
- ↑ Carlson, Adam. (February 17, 2018). «Returning Olympic Medalist Nick Goepper: Why I Spoke Out About My Substance Abuse, Mental Health» People Magazine.
- ↑ «Surf forecastin' USA» Physics Today 2013-07-03 doi:10.1063/pt.4.2499. ISSN 1945-0699..
- ↑ WASHINGTON, JOSEPHINE T.. (2019-02-01). «Four Years' Growth (1908)» The Collected Essays of Josephine J. Turpin Washington (University of Virginia Press): 174–179. doi:10.2307/j.ctvbqs9fg.42. ISBN 9780813942131..
- ↑ «Hometown hero Nick Goepper is engaged» WLWT5 Cincinnati May 4, 2018.
- ↑ «Another Side of Nick Goepper» FOX19 WXIX Cincinnati March 2, 2014.
- ↑ {cite web|url=https://www.fox19.com/story/27670675/local-olympian-charged-for-throwing-rocks-at-vehicles/%7Ctitle=Local[Betiko hautsitako esteka] Olympian accused of throwing rocks at vehicles|date=December 19, 2014|work=FOX19|access-date=September 17, 2019}}
- ↑ (Ingelesez) Hebert, Cyndee. (2018-01-16). «The joyful stress of being the mom of an Olympian» 13 WTHR Indianapolis.
Kanpo estekak
- Nick Goepper International Ski Federation-en
- Nick Goepper Olympics Sports-Reference.com-en (artxibatua)
Datuak: Q7027199