Ponce (Puerto Rico)
Ponce Ponce | |||
---|---|---|---|
municipality of Puerto Rico (en) ![]() | |||
![]() ![]() | |||
| |||
Administrazioa | |||
Ameriketako Estatu Batuetako Lurraldeak | ![]() | ||
Izen ofiziala | Ponce | ||
Jatorrizko izena | Ponce | ||
Posta kodea | 00716, 00717, 00728, 00730, 00731, 00733, 00780, 00715, 00732 eta 00734 | ||
FIPS kodea | 72-63820 | ||
Herriburua | Ponce (en) ![]() | ||
Geografia | |||
Koordenatuak | 18°00′39″N 66°36′49″W / 18.0108°N 66.6136°W / 18.0108; -66.6136 | ||
![]() | |||
![]() | |||
Azalera | 118,562045 km² | ||
Altuera | 10 m | ||
Mugakideak | Juana Díaz (en) ![]() ![]() ![]() ![]() | ||
Demografia | |||
Biztanleria | 137.491 (2020ko apirilaren 1a)![]() | ||
Dentsitatea | 1.160 bizt/km² | ||
Etxebizitzak | 52.439 | ||
Informazio gehigarria | |||
Sorrera | 1692 | ||
Ordu eremua | UTC−04:00 | ||
Hiri senidetuak | Zaragoza |
Ponce, ofizialki Municipio Autónomo de Ponce, Puerto Ricoko geografikoki bigarren udalerri handiena da, Arecibo ondoren. Biztanleriaren aldetik ere hirugarrena da, San Juan ondoren. Ponce izan zen uhartean autonomo izendatu zuten lehen udalerria.
Hiria «Hegoaldeko Perla», «Hiri Bikaina», «Quenepen Hiria» eta «Lehoien Hiria» izenez ere ezagutzen da.[1] Hiri eder gisa ezagutzen da, estilo arkitektonikoak nahasten ditu eta, beste erakargarritasun batzuen artean, nazioarteko Arte Museo moderno bat du. Hiriaren izena Juan Ponce de León y Loaizaren omenez eman zitzaio, Juan Ponce de León konkistatzaile espainiarraren biloba. Uhartearen hegoaldeko kostaldetik hiru bat kilometrora dago. Ponceko inauteria Puerto Rico uharteko zaharrena da.
Biztanleria
Ponce Puerto Ricoko hiririk jendetsuenetako bat da. Ponceko biztanleria, 2010eko erroldaren arabera, 166 327 da, 278,4/km²-ko populazio-dentsitatearekin, eta hirugarren postuan dago Puerto Ricoko udalerrietan, biztanleriari dagokionez.
2010eko erroldatik hartutako estatistikek erakusten dutenez, pontzeñoen % 82,0k jatorri espainiarra edo zuria dute, eta % 9,0 kolore beltzekoak dira, amerindiarrak, asiarrak, arraza nahasiko pertsonak eta gainerakoak barne. Poncek du Puerto Ricoko biztanle zurien kontzentraziorik handiena ( % 82,0); uhartean ehunekoa % 76,2koa da.
Auzoak
Hauek dira: Anón, Bucaná, Canas, Capitanejo, Cerrillos, Coto Laurel, Cuarto, Guaraguao, Machuelo Abajo, Machuelo Arriba, Magueyes, Maragüez, Marueño, Montes Llanos, Playa, Portugués, Primero, Quebrada Limón, Quinto, Real, Sabanetas, San Antón, San Patricio, Segundo, Sexto, Tercero, Tibes eta Vayas.
Ekonomia
Ponce uharteko udalerririk garatuenetakoa da. Makineria elektronikoko, ekipo elektrikoetako eta komunikazioko, elikadura- eta farmazia-produktuetako, zementuko eta tresna zientifikoetako fabrikak ditu. Larruzko gaiak eta arropa ere fabrikatzen ditu, eta arrain-irina egiteko fabrikak ditu. Nekazaritzan, besteak beste, kafe-ekoizpena – garrantzitsuena –, bananak, gineoak, laranjak eta toronjak nabarmentzen dira. Beste iturri ekonomiko batzuk zerbitzu publikoak eta pribatuak ematea, finantzak, merkataritza eta eraikuntza dira.[2]
Ondarea
Asko dira Poncen bisitatu daitezkeen tokiak. Hona Hemen batzuk:
- Guadalupeko Andre Mariaren katedrala
- Tibesko indigenen zeremonia zentroa
- Espainiako Kasinoa
- Ponceko Eremu Historikoa
- Cruceta del Vigía
- Armstrong-Poventud etxea
- Ponceko sarraskiaren museoa
- Castillo Serrallés etxea
Iruditegia
- Wiechers-Villaronga etxea, egun Ponceko Arkitektura Museoa.
- Cruceta del Vigía.
- Buena Vista etxaldea.
- Ponceko Arte Museoa.
Hiri senidetuak
Espainia Zaragoza, Espainia
Txile Temuco, Txile
Erreferentziak
Kanpo estekak
- (Gaztelaniaz):Ponceko Udalaren webgune ofiziala.
- (Gaztelaniaz):Ponceri buruzko informazioa.
Datuak: Q864024
Multimedia: Ponce, Puerto Rico / Q864024