Technicolor
![](http://upload.wikimedia.org/wikipedia/commons/thumb/e/ef/3-strip_Technicolor_camera.jpg/220px-3-strip_Technicolor_camera.jpg)
Technicolor koloretako zinema-filmak egiteko sistema da, Estatu Batuetan 1914an sortua eta hainbat bertsio hobetu izan zituena.
Trikromiako edo hiru koloreko transferentzien bidez lortzen dira technicolorreko filmak; kameraren objektibotik sartzen den argia bi izpi-sortatan bereizten da ispilu dikroiko baten bidez; izpi-multzo bat kolore berdearekiko sentikorra den filmean jasotzen da, eta beste izpi-multzoa aurrealdetik urdinarekiko eta atzealdetik gorriarekiko sentikorra den film bikoitz batean. Ondoren, oinarrizko hiru koloreekiko sentikor diren hiru filmen negatiboak ateratzen dira eta substantzia gelatinakara baten bidez haien positiboak ateratzen dira erliebean. Irudi positiboak oinarrizko hiru koloreez tindatzen dira, eta gida gisa kolore grisa duen positibo arrunt batean inprimatzen dira bata bestearen gainean.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q674564
Multimedia: Technicolor / Q674564