The Libertines
The Libertines | |
---|---|
![]() 2014an. | |
Datuak | |
Jatorria | ![]() |
Musika mota | Indie, Rock alternatiboa, punk rocka |
Urteak | 1997-2004 2014-gaur egun |
Produkzioa | |
Diskoetxea(k) | Rough Trade, Virgin EMI |
Taldekideak | |
Carl Barât Pete Doherty John Hassall Gary Powell | |
Lehengo taldekideak | |
Steve Bedlow Johnny Borrell Paul Dufour | |
Informazio gehigarria | |
http://www.thelibertines.com/ | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
The Libertines Ingalaterrako rock alternatibotalde bat da. 1997an Londres hiriburuan sortu zen. Erresuma Batuko garage rock revival estiloaren talde nagusietako bat da. Taldekideak honakoak dira: Carl Barât (ahotsa/gitarra), Pete Doherty (ahotsa/gitarra), John Hassall (baxua) eta Gary Powell (bateria).
2000ko hamarkadaren hasieran taldeak nabarmentzea lortu zuen. Nahiz eta hasiera batez ikusle aldetik bere arrakasta nahiko mugatua izan, azkar areagotuz joan zen, Erresuma Batuan bere singlea 2. postura eta diskoa 1. postura iritsiz. 2004ko abenduan NME aldizkariaren sailkapenaren arabera taldearen izenburu berdineko diskoa urteko bigarren diskoa onena gisa bozkatua izan zen. Bai heuren lehenbizikoa nahiz bigarren diskoa The Clash taldeko Mick Jones taldekideak ekoiztu zituen.
Nahiz eta kritika onak jaso izan, taldearen barne gatazkek heuren arrakasta ilunduarazi zuten, tentsio hau Dohertyren drogazaletasunak eta cracka eta heroinarekiko zuen adikzioak sortarazi zuen, ondorioz taldea desegin egin zen. Dohertyren arabera banaketa bera eta Barâten arteko harreman zailak sortarazi izan omen zuen, eta ez bere droga arazoek.
2010ean The Libertines taldea zenbait emanaldi eskeintzeko berriz bildu zen, tartean Reading eta Leedseko jaialdietan jotzeko, eta prentsa, kritikari eta zaletuen aldetik erantzun ona jaso zuten.
2014ko apirilean taldea berrelkartu zela iragarri zuten, urte bereko azaroan Virgin EMI Records ekoiztetxearekin kontratua sinatu, eta 2015eko irailaren 11ean heuren hirugarren diskoa plazaratu zuten, Anthems for Doomed Youth.
Diskografia
Estudioko diskoak
- Up the Bracket (2002)
- The Libertines (2004)
- Anthems for Doomed Youth (2015)
Singleak
- De Up The Bracket
- What A Waster #37
- Up The Bracket #29
- Time For Heroes #20
- De The Libertines
- Can't Stand Me Now #2
- What Became of the Likely Lads #9
- Inongo diskoan argitaratu gabea
- Don't Look Back Into The Sun #11
Kanpo estekak
- The Libertines musika taldearen webgunea (Ingelesez)
Datuak: Q214350
Multimedia: The Libertines / Q214350