Tulostoma fimbriatum
Tulostoma fimbriatum | |
---|---|
![]() ![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Agaricaceae |
Generoa | Tulostoma |
Espeziea | Tulostoma fimbriatum Fr., 1829 |
Tulostoma brumale Agaricaceae familiako onddo espezie bat da.[1] Ez da jangarritzat hartzen.
Sinonimoak: Tulostoma campestre. Tulostoma brumale var. fimbriatum, Tulostoma granulosum.
Deskribapena
Burua: Globo formako irregularra, behealdea zertxobait hondoratuagoa du, baina laua izan gabe; nahiko ohikoa da eremu horretan zuntz nahastuekin lepoko antzeko bat sortzea. Bere diametroa 0,5 eta 1,5 cm bitartekoa da, batzuetan 2 cm-ra iristen da, bere exoperidioa hain da iheskorra, gutxitan ikusten da, eta bere endoperidioa zurixka erdi krema kolorekoa da, nolabaiteko ñabardura grisaxkarekin. Dehiszentzia gaizki definitutako ostiolo apikal batek sortzen du, ozta-ozta nabarmendua eta finbriatua, inguruko halorik gabea.
Himenioa: Endoperidioaren estaldura bakarrik du, hautsez osatutako glebak, arre-horixka koloreko basidiosporak eratzen ditu masan.
Hanka: Kapelarekin konparatuta luzea, zilindrikoa, zuzena edo okertua, zuntz-egitura eta zurkara, arre-horixka kolorekoa.
Haragia: Gleba forman eta arrexka kololorekoa.[2]
Etimologia: Tulostoma terminoa, konkor, kailu, iltze, esan nahi duen grekozko “tylos” hitzetik dator eta ahoa, ostioloa esan nahi duen latinezko “stoma” hitzetik.
Jangarritasuna
Ez da jangarria.[3]
Nahasketa arriskua
Generoko beste espezieak baino ostioloa oso irregularra eta urratua duelako ezagutzen da. Tulostoma beccarianum delakoak peristoma erregularra, biribildu-konikoa eta ertza ez du urratua. Tulostoma brumale-k peristoma tubularra du, inguruan haloa, forma erregularra eta ertza ez finbriatua.[4]
Sasoia eta lekua
Urteko edozein garaitan. Talde txikietan. Ugaria. Lurzoru hareatsuetan eta goroldiotsuetan, kostaldeko dunetan. Klima epeletan.
Banaketa eremua
Kanada, Ameriketako Estatu Batuak osoa, Europa osoa, Errusia, Australia osoa, Sokotra uhartea (Yemen), Brasil, Argentina.[5]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 449 or. ISBN 84-505-1806-7..
- ↑ (Gaztelaniaz) Calvo Pérez Javi. (2006). El mundo de las setas. Asociacion Micológica Fungipedia.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Tulostoma fimbriatum: GBIF—the Global Biodiversity Information Facility.
Kanpo estekak
Datuak: Q2516836
Multimedia: Tulostoma fimbriatum / Q2516836
Espezieak: Tulostoma fimbriatum