Zekuiano
Zekuiano | |
---|---|
![]() | |
Zekuianoko ikuspegia. | |
![]() | |
Kokapena | |
Herrialdea | ![]() |
Udalerria | Laminoria |
Administrazioa | |
Posta kodea | 01129 |
Geografia | |
Koordenatuak | 42°45′17″N 2°26′15″W / 42.7546866°N 2.43751253°W / 42.7546866; -2.43751253 |
Garaiera | 690 metro |
Demografia | |
Biztanleria | 10 (2022) |
Zekuiano[1] (ofiziala Cicujano / Zekuiano) Arabako ekialdean dagoen herria da, Mendialdean eta Arraia-Maeztuko udalerrian dagoena. 1958 arte Laminoria udalerriaren zati izan zen, bere hiriburua izan zelarik.
2007ko urtarrilaren 1eko erroldaren arabera, auzoak 95 biztanle ditu.
Geografia
Maeztu eta Elortzatik gatozela Atxarte[2] edo Los Pocilones[3] izeneko arroil txikia pasatzen da, Igoroin edo Musitu ibaiak (Laminoria aldeko inportanteena) haranetik ateratzeko daukan gunea.
Musitu, Elortza, Areatza eta Aletxa ditu auzoherri.
Demografia eta biztanleria
2000 | 2001 | 2002 | 2003 | 2004 | 2005 | 2006 | 2007 |
---|---|---|---|---|---|---|---|
82 | 82 | 80 | 75 | 79 | 81 | 84 | 95 |
Garraioa
Eskualdeko Garraioa sareak linea bat ditu herrian:
|
Jakingarriak
Herria historikoki herribildua da[4].
Eraikinik aipagarriena San Joan Bataiatzailearen Lepoa Moztearen eliza da, herritik gora apur bat aldenduta dagoena; XIX. mendean berregina, erromaniko aurreko leihatea eta gotikoan zabalduriko atari erromanikoa ditu. Bere ondoan ikasleria Maeztun kontzentratu arte eskolak izan ziren eraikina dago.[5]
![](http://upload.wikimedia.org/wikipedia/commons/thumb/e/e6/Santa_Ana_baseliza_Zekuianon_2010-6-6.jpg/300px-Santa_Ana_baseliza_Zekuianon_2010-6-6.jpg)
Herrian bertan Santa Ana baseliza dago[5]. Herritik iparraldera Musiturako bidean Santo Toribio baseliza dago; garai zaharretan bertan biltzen ziren Laminoriako alkateak izendatzeko[5][6]. Udalerri modernoa osatu zenean ordea udaletxea Zekuianon bertan eraiki zuten; egun etxea herriko batzar administratiboaren bileretarako eta noizean behin auzokideen bilgune gisa erabiltzen da.
Herri honetan hiru iturri (horietako bik edanlekua dute), pilotan aritzeko eta auzokideak biltzeko lekua (elizpean), 1802ko irin-errota baten hondakinak eta Anglo-Vasco-Navarro trenbide desagertuaren geltoki bat.
Biztanleria galduz joan bada ere, azken hamarkadetan herrian bigarren etxebizitza duten batzuk ere badaude; bereziki aipatzekoa da Ama Lur izena eman zitzaion etxea (Santa Ana baselizaren parean), Getxoko Itzubaltzeta auzoko talde batek atondutakoa eta urteetan zehar udaleku eta abarrerako erabili izan dena.
Herriko jaiak abuztuaren 29an ospatzen dira, San Joan Bataiatzailearen omenez.
Argazki galeria
- San Joan Bataiatzailearen Lepoa Moztearen eliza
- Eskola zaharrak
- Ataria, San Joan Bataiatzailearen Lepoa Moztearen eliza
- Atariko kapitela, San Joan Bataiatzailearen Lepoa Moztearen eliza
- Tren geltoki zaharra
Erreferentziak
- ↑ Euskaltzaindiaren onomastika datutegia
- ↑ Hala izendatua Eusko Jaurlaritzak argitaratutako Entzia-Iturrieta-Izki-Kodes 1:25.000 eskalako mapan.
- ↑ Izendapen hori ematen zaio herriaren sarreran dagoen panel informatiboan eta udalaren webgunean.
- ↑ Zekuiano Euskomedian.
- ↑ a b c «Cicujano / Zekuiano» Ayuntamiento de Arraia-Maeztu · Arraia-Maeztuko Udala 2019-03-21 (Noiz kontsultatua: 2023-04-24).
- ↑ Arraia-Maeztuko udalaren webgunea.
Ikus, gainera
- Aletxa
- Apilaiz
- Araba
- Arabako Mendialdeko kuadrilla
- Areatza
- Arraia-Maeztu
- Atauri
- Azazeta
- Birgarabarren
- Birgaragoien
- Elortza
- Erroeta
- Erroitegi
- Ibisate
- Korres
- Laminoria
- Maeztu
- Musitu
- Sabando
Kanpo estekak
- Udalaren web orria: https://www.arraia-maeztu.eus/arraia-maeztu/cicujano-zekuiano/?lang=eu
- (Gaztelaniaz) Zekuiano Auñamendi entziklopedian.
- San Joan Bataiatzailearen Lepoaren Mozketaren ermita - Bisita birtuala
Datuak: Q2972285
Multimedia: Cicujano-Zekuiano / Q2972285
Arraia-Maeztuko herriak | ||
---|---|---|
Aletxa • Apilaiz • Areatza • Atauri • Azazeta • Birgarabarren • Birgaragoien • Elortza • Erroeta • Erroitegi • Ibisate • Korres • Maeztu • Musitu • Sabando • Zekuiano |
![]() ![]() | Artikulu hau Arabako geografiari buruzko zirriborroa da. Wikipedia lagun dezakezu edukia osatuz. |