Batak poni

Batak ponia
Zaldi arraza
Espeziea	Equus ferus caballus
Jatorria	Indonesia
Sinonimoak	Kuda-deli. Batak zaldia

Batak ponia, edo Batak zaldia Indonesiako Sumatra uharteko bertako zaldi arraza bat da. Bere tamaina zein gainontzeko ezaugarriengatik ponien sailkapen taldean kokatzen da.

Arrazaren zabalpen gunea Sumatrako erdialdea da, baina Indonesiako beste zenbait poni arrazen kasuan bezala (Baliko poniaren kasu), bere jatorria mongoliar zaldietan dago, kasu honetan arabiar zaldiekin nahasturik. Arabiar zaldiekin nahasketa hau etengabe jarraitu da arrazaren ezaugarriak zela-zaldia bezala hobetzen joateko.

Indonesieraz arraza Kuda-Deli, Kuda-Batak deitzen da.

Indonesian badira zortzi bertako poni arraza. Zalantzarik gabe uhartedian haibeste uharte izateak, irlen artean poni arraza ezberdinen garapena bultzatu du. Indonesiako poni arrazak honakoak dira: Batak ponia, Gayoe, Sandalwood ponia, Deli ponia, Baliko zaldia, Javako ponia, Timordar Ponia eta Sumba eta Sumbawa poniak^[1].

Indonesiarrek hobeturiko Sumatrako poni arraza hau inguruko uhartetako zaldi arrazak hobetzeko erabili omen dute. Indonesian bakarrik sandalwood poni delako arraza jotzen da Batak poni baino hobeagoa.

• Kolorea: Batak poniak kolore bakarrekoak dira; hori-gaztainkaratik ilun-gaztainkarara edo beltz kolorekoak^[2]. Koloreak aldatzen joan dira aukeraketarekin.

• Altuera: Batez besteko altuera soin gurutzera. Zaldiak 126 cm. Behorrak 122 cm.

• Gorputzera: Poni hauek argalak dira, baina indartsuak aldi berean. Zaldi arraza honen akats gehienak, askotan izaten duten bazka eskasaren ondorio dira. Poniek buru fina dute eta soslai zuzen edo arinki artezekoa.

7.500 buru FAOren arabera, arriskutik kanpo dago beraz. Ez dago poni hauek kontserbatzeko programa berezirik.

• (Frantsesez) Zaldi arrazei buruzko hiztegia

• Datuak: Q810706
• Multimedia: Batak ponies / Q810706